Add source Login
Trúnaður ríki um samninga Kefla­víkur­flug­vallar

Trúnaður ríki um samninga Kefla­víkur­flug­vallar

Trúnaður ríkir um innihald samninga sem Keflavíkurflugvöllur gerir við rekstraraðila í flugstöðinni og sökum þessa getur Isavia ekki veitt upplýsingar um það hvaða skilyrði eru fyrir hendi í samningi flugvallarins við fyrirtæki sem rekur fjármálaþjónustu á Keflavíkurflugvelli. Hins vegar eru þeir samningar sem Keflavíkurflugvöllur gerir við rekstraraðila þess eðlis að þeir eru jafnan tengdir við veltu. Af því má ráða að Isavia fái meira upp úr krafsinu eftir því sem rekstraraðilar í flugstöðinni fá meira í kassann. Það tók níu mánuði að fá svör frá Isavia um samning vegna fjármálaþjónustu á flugvöllunum, sem var á þá leið að ekki væri unnt að veita umbeðnar upplýsingar.

Ráðherrann sáttur við Urriðafoss í bið

Ráðherrann sáttur við Urriðafoss í bið

„Rammaáætlunarfyrirkomulagið gerir ráð fyrir því að það geti orðið breytingar í þinglegri meðferð og það sem gerist núna með þennan rammaáætlunarpakka er að ég bregð frá tillögu verkefnisstjórnar og legg til að Kjalölduveita og Héraðsvötn fari ekki í verndarflokk, en þess í stað í biðflokk,“ segir Jóhann Páll Jóhannsson, umhverfis-, orku- og loftslagsráðherra, í samtali við Morgunblaðið.

Ráðherrann sáttur við Urriðafoss í bið

Ráðherrann sáttur við Urriðafoss í bið

„Rammaáætlunarfyrirkomulagið gerir ráð fyrir því að það geti orðið breytingar í þinglegri meðferð og það sem gerist núna með þennan rammaáætlunarpakka er að ég bregð frá tillögu verkefnisstjórnar og legg til að Kjalölduveita og Héraðsvötn fari ekki í verndarflokk, en þess í stað í biðflokk,“ segir Jóhann Páll Jóhannsson, umhverfis-, orku- og loftslagsráðherra, í samtali við Morgunblaðið.

Mis­skilningur um launa­vísitöluna

Mis­skilningur um launa­vísitöluna

Launavísitölufrumvarpið svo kallaða er nú til meðferðar á Alþingi, og hefur málið verið talsvert í fréttum undanfarna daga. Um er að ræða eitt af lykilmálum Flokks fólksins, um að tryggja að ellilífeyrir og örorkulífeyrir taki árlega breytingum til samræmis við launavísitölu, þó þannig að fjárhæðir hækki aldrei minna en verðlag samkvæmt vísitölu neysluverðs.

Myndband af óhappi á líkamsræktarstöð vekur athygli – Margir furða sig á að enginn hafi hjálpað

Myndband af óhappi á líkamsræktarstöð vekur athygli – Margir furða sig á að enginn hafi hjálpað

Marylou Sidibe, eiginkona knattspyrnumannsins Moussa Sissoko sem hefur spilað fyrir lið eins og Tottenham og Newcastle, birti myndband úr ræktinni sem vakti gríðarlega athygli. Sidibe er vinsæl á samfélagsmiðlum og hefur áður birt myndbönd úr ræktinni, en sjálf er hún þjálfari. Í þetta sinn ætlaði hún að taka sig upp hlaupa á hlaupabretti en það Lesa meira

Óskaði trúnaðarupplýsinga um íslenska bankahrunið og deildi með arftaka Kaupþings í Lúxemborg

Óskaði trúnaðarupplýsinga um íslenska bankahrunið og deildi með arftaka Kaupþings í Lúxemborg

Breska dagblaðið The Telegraph greinir frá því í dag að Andrew Mountbatten-Windsor hafi deilt trúnaðarupplýsingum um samskipti breskra og íslenskra stjórnvalda eftir bankahrun með Jonathan Rowland. Feðgarnir David og Jonathan Rowland tóku yfir Kaupþing í Lúxemborg eftir hrun og breyttu nafninu í Banque Havilland. Rowland varð um svipað leyti gjaldkeri Íhaldsflokksins breska en var bolað úr starfi vegna vafasamra viðskipta. Í frétt blaðsins í dag segir að ritari Mountbattens-Windsor, sem þá var Andrés prins, hafi sett sig í samband við yfirmann alþjóðafjármála í breska fjármálaráðuneytinu í febrúar 2010. Hún bað hann um að taka saman upplýsingar fyrir prinsinn um nýjustu stöðu mála í samskiptum Íslands og Bretlands um innstæður í íslensku bönkunum í Bretlandi. Í bréfi sínu vísaði ritari Mountbatten-Windors til þess að prinsinn þáverandi hafi hitt Geir H. Haarde, þáverandi forsætisráðherra Íslands, í Davos og sagði að hann vildi gjarnan fá upplýsingar um nýjustu stöðu mála. Viku síðar fékk ritari Mountbatten-Windsors greinargerð frá öðrum embættismanni í fjármálaráðuneytinu og áframsendi hana á prinsinn þáverandi. Tveimur klukkstundum síðar áframsendi hann samantekina á Jonathan Rowland með orðunum: „Kjarninn er sá að Amanda [ritari hans] hefur fengið skilaboð um að við ættum að leyfa lýðræðislega ferlinu að eiga sér stað áður en þú lætur til skarar skríða.“ Banque Havilland var reistur á rústum Kaupþings banka í Lúxemborg eftir hrun. Húsleit var gerð í bankanum 2011 í tengslum við rannsókn sérstaks saksóknara á brotum í starfsemi bankanna fyrir hrun.

Vilborg segir hugmyndina skelfilega – „Myndir þú vilja láta bjóða þér þetta?“

Vilborg segir hugmyndina skelfilega – „Myndir þú vilja láta bjóða þér þetta?“

„Þetta er skelfileg hugmynd! Myndir þú lesandi góður vilja láta bjóða þér þetta? Ekki ég.” Þetta segir Vilborg Gunnarsdóttir, fyrrverandi framkvæmdastjóri Alzheimersamtakanna og áhugamaður um almenna velferð, í aðsendri grein á Vísi. Vísar Vilborg til hugmynda þess efnis að leysa megi alvarlegan vanda á Landspítalanum með því að tvímenna á herbergjum hjúkrunarheimila. „Það er hrollvekjandi Lesa meira

Hvað er planið með Vesturbakkann?

Hvað er planið með Vesturbakkann?

Á sunnudag var tilkynnt með yfirlýsingu að sérstakt öryggisráð ísraelskra stjórnvalda hefði samþykkt aðgerðir sem gerðu yfirtöku Ísraela á palestínsku landi á Vesturbakkanum auðveldari. Þetta mætti strax andstöðu úr ýmsum áttum, meðal annars frá Sameinuðu þjóðunum, Bretlandi, Kanada, Evrópusambandinu og fjölda arabaríkja. Þá sá Hvíta húsið í Bandaríkjunum ástæðu til að árétta með yfirlýsingu andstöðu við að Ísrael innlimi Vesturbakkann. Það var ekki formaður öryggisráðsins, Benjamín Netanjahú forsætisráðherra Ísraels, sem gaf út yfirlýsinguna heldur Bezalel Smotrich fjármálaráðherra og Israel Katz utanríkisráðherra. Þetta var ekki ákveðið af ríkisstjórninni heldur téðu öryggisráði sem er fámennara og ætlað til þess að geta tekið ákvarðanir fljótt þegar hætta steðjar að. Michael Milshtein, greinandi og fyrrum sérfræðingur í málefnum Palestínu hjá Ísraelsher, segir þetta laumulega leið til þess að knýja áfram áætlun Smotrich um innlimun á Vesturbakkanum og forðast um leið átök við Donald Trump Bandaríkjaforseta fyrir opnum tjöldum. „Ég skilgreini þetta sem skref í átt að innlimun án þess að nota orðið innlimun,“ segir Milshtein við New York Times. „Við erum að festa rætur Ísraels á svæðinu og grafa hugmyndir um palestínskt ríki,“ sagði Smotrich fjármálaráðherra. Hver er Bezelel Smotrich? Smotrich er formaður Þjóðernistrúarflokksins–Trúarlegs zíonisma. Sá flokkur er einn öfgahægriflokka sem Netanjahú þarf að reiða sig á í samsteypustjórn sinni, sem er hægrisinnaðasta ríkisstjórn í sögu Ísraels. Hann er annar tveggja ráðherra sem fjöldi ríkja hefur sett á bannlista, þar á meðal Ísland, fyrir að kynda ítrekað undir ofbeldi gegn Palestínu. Smotrich býr sjálfur í ólöglegri landtökubyggð á Vesturbakkanum. Hann trúir því að gyðingar eigi rétt á öllu landsvæðinu sem samkvæmt Biblíunni myndar Ísrael. Hann er á móti hinsegin fólki og skipulagði eitt sinn mótmæli gegn gleðigöngunni. En hvað var ákveðið nákvæmlega? Ísraelsku samtökin Peace Now fjalla um málið á heimasíðu sinni. Þar segir að sú staðreynd að ákvörðunin var tekin af öryggisráðinu frekar en ríkisstjórninni í heild þýði að orðalag og skjöl tengd málinu séu trúnaðarmál. Samtökin greindu allt sem fram hefur komið og samkvæmt þeim er það eftirfarandi: Landtökufólk getur keypt land milliliðalaust . Fella á úr gildi lög sem voru sett fyrir 1967 þegar Jórdanía hafði yfirráð á Vesturbakkanum sem banna sölu á landi til annarra en Palestínumanna. Krafa um leyfi til kaupa á landi verður felld úr gildi. Þetta skref er talið mikilvægt til þess að koma í veg fyrir vafasöm eða fölsuð viðskipti. Fasteignaskrá á hernumdu svæðunum verði opinber. Landtökufólk hefur þrýst á þetta lengi. Trúnaður um eignarhald hefur gert þeim erfiðara fyrir við að ná yfirráðum á landsvæði. Ríkið kaupir land. Endurvekja á félag sem kaupir land af Palestínumönnum fyrir hönd ríkisins. Eftirlit á svæðum undir stjórn Palestínu (svæði A og B). Ísraelskar stofnanir hefja starfsemi á svæðum sem samkvæmt alþjóðasamningum eru undir stjórn Palestínumanna. Ísrael getur þá gripið til aðgerða eins og að rífa niður byggingar og koma í veg fyrir framkvæmdir Palestínumanna á öllum Vesturbakkanum, túlki ísraelsk stjórnvöld aðstæður sem svo að þess gerist þörf. Borgaryfirvöld í Hebron verða svipt skipulagsvaldi. Þetta gerir Ísrael kleift að stækka og þróa landtökubyggðir við borgina Hebron. Taka yfir svæðið við grafhýsi Rakelar. Grafhýsi Rakelar (e. Rachels Tomb) er nærri palestínsku borginni Betlehem á Vesturbakkanum. Grafhýsið hefur trúarlegt mikilvægi fyrir kristna, gyðinga og múslima. Það sama var gert í Hebron fyrir um áratug, þá var stofnuð nefnd sem fór með málefni Ísraela á svæðinu. Ef ákvarðanir öryggisráðs Ísraels ganga eftir verður töluvert auðveldara fyrir Ísrael að taka yfir enn meira landsvæði á Vesturbakkanum. Ólöglegum landtökubyggðum hefur fjölgað á ofurhraða eftir að sitjandi ríkisstjórn tók við völdum 2022. Vesturbakki Jórdan, oftast kallaður Vesturbakkinn, hefur verið undir hernámi Ísraels í áratugi eða allt frá sex daga stríðinu 1967. Til Vesturbakkans telst rúmlega 5.600 ferkílómetra svæði. Samkvæmt Óslóarsamkomulaginu er honum skipt í þrennt: Svæði A sem Palestínumenn ættu að ráða yfir. Svæði B sem Palestínumenn og Ísrael ættu að fara með sameiginlega stjórn. Svæði C sem Ísraelar ráða yfir sem er um 60 prósent af Vesturbakkanum. Það er á svæði C sem þessar ólöglegu landtökubyggðir eru aðallega, en nú gæti þeirra vel farið að gæta á hinum svæðunum. Á Vesturbakkanum og austurhluta Jerúsalem búa um 700.000 í landtökubyggðum. Íbúar þar fá ýmiss konar fríðindi, þeir greiða til dæmis lægri skatta. Landtökubyggðum fylgir líka vegakerfi, sem tengir þær við Ísrael. Palestínumenn mega ekki nota þá vegi. Ríkisstjórn Netanjahús hefur slegið vafasöm met og á meðan hefur athygli heimsins að mestu verið á blóðbaðinu á Gaza. Árið 2024 var sett met í veitingu byggingarleyfa í landtökubyggðum, metfjöldi þeirra var lögleiddur í Ísrael, metfjöldi kílómetra var lagður af vegum sem eru aðeins fyrir landtökufólk og Ísraela, ofbeldi landtökufólks gegn Palestínumönnum, eftirlitsstöðvum sem takmarka för Palestínumanna og aldrei hafa fleiri þurft að yfirgefa heimili sín frá því í sex daga stríðinu. Hér má sjá gagnvirkt kort frá International Crisis Group þar sem staðsetning landtökubyggða á Vesturbakkanum er kortlögð. Á þessu ári verða kosningar í Ísrael og fyrir Smotrich fjármálaráðherra er útlitið ekki bjart. Samkvæmt skoðanakönnunum nær flokkur hans ekki manni inn á þing. Það skal því engan undra að hann leiti allra leiða til að koma sínum kosningaloforðum á framfæri og eitt þeirra er að taka yfir Vesturbakkann.

Ísland gegndi lykilhlutverki í að fá krulluíþróttina inn á Ólympíuleika

Ísland gegndi lykilhlutverki í að fá krulluíþróttina inn á Ólympíuleika

Þegar Vetrarólympíuleikar voru haldnir í fyrsta sinn árið 1924 í Chamonix í Frakklandi var krullu ein þeirra greina sem keppt var í. Reyndar var sú keppni talin sem sýningargrein í áratugi, því það var ekki fyrr en árið 2006 að Alþjóðaólympíunefndin (IOC) úrskurðaði að krullukeppnin árið 1924 hefði verið opinber hluti leikanna. Aðeins þrjú lið tóku þátt í keppninni, Bretland sem vann gullið, Svíþjóð sem hlaut silfur og Frakkland sem fékk brons. Öll þátttökuliðin þrjú unnu sem sagt til verðlauna. Krulluíþróttin kom svo inn sem sýningargrein á Vetrarólympíuleikana í Lake Placid í Bandaríkjunum árið 1932 og svo aftur rúmlega hálfri öld síðar á leikana í Calgary í Kanada árið 1988. Þar var þó um eiginlega þjóðakeppni að ræða og Kanada veitt gullverðlaun, Svíum silfur og Noregi brons í kvennakeppninni og Noregi gull, Sviss silfur og Kanada brons í karlakeppninni. Í Lake Placid árið 1932 voru það þrjú kanadísk félagslið sem unnu öll verðlaunin. Aðeins sýningargrein í byrjun Á Vetrarólympíuleikunum í Albertville í Frakklandi árið 1992 var krullan aftur inni sem sýningargrein þó keppti væri um verðlaun. Þegar talað er um sýningargrein á Ólympíuleikum en þó keppt um verðlaun er í raun átt við að viðkomandi íþróttagrein er ekki fest formlega sem fastagrein Ólympíuleika, heldur bætt við tímabundið til kynningar og útbreiðslu á íþróttinni. Undir lok níunda áratugarins og í byrjun þess tíunda var komin upp sú krafa að ef festa ætti krulluíþróttina sem fasta grein á Vetrarólympíuleikum þyrfti Alþjóða krullusambandið að hafa að minnsta kosti 25 landssambönd innan sinna vébanda. Sendu vestur-íslenskan útsendara til að sannfæra Íslendinga Alþjóða krullusambandið hafði verið stofnað árið 1966 og voru stofnþjóðirnar sjö; Kanada, Frakkland, Noregur, Skotland, Svíþjóð, Sviss og Bandaríkin. Þjóðverjar bættust svo við ári síðar og árið 1971 komu Danmörk og England inn og Ítalir árið á eftir. Holland, Lúxemborg og Finnland bættust svo við eftir því sem leið á áttunda áratuginn og í byrjun þess níunda fengu Austurríki og Wales aðild og svo síðar Japan, Ástralía og Ungverjaland. Tékkland varð tuttugasta landið sem gekk í Alþjóða krullusambandið árið 1990 en þá vantaði enn fimm landssambönd til viðbótar til að fá krulluna festa sem opinbera íþróttagrein á Vetrarólympíuleikum. Útbreiðslunefnd Alþjóða krullusambandsins sendi fulltrúa sinn, Pat Bannemann frá Lúxemborg og honum til fulltingis voru kanadísk hjón, Tom og Sophie Olafsson Wallace sem höfðu stundað krulluíþróttina þá í þrjá áratugi. Ástæða þess að kanadísku hjónin voru með í för var sú að Sophie var komin af Vestur-Íslendingum og talaði íslensku og þótti því vænleg í því skyni að smita Íslendinga af krullubakteríunni. Sophie í félagi við Austurríkismannin Günther Hummelt forseta Alþjóða krullusambandsins tókst að hrífa fá Sigurð Magnússon þáverandi framkvæmdastjóra ÍSÍ með sér á sveif og áhugi á krullunni var kveiktur á Íslandi. Ísland varð aðildarland númer 25 Árið 1991 náðist svo tilskilinn fjöldi því þá bættust við landssambönd frá Andorra, Nýja-Sjálandi, Liechtenstein, Bandarísku Jómfrúareyjum og loks frá Íslandi. Ísland varð 25. aðildarsamband Alþjóða krullusambandsins og þar með hafði náðst lágmarksfjöldi til að gera atlögu að því að festa krulluna í sessi á Ólympíuleikum. Á fundi IOC í Barcelona á Spáni 21. júlí árið 1992 hlaut Alþjóða krullusambandið loks formlega viðurkenningu sem opinber grein á Vetrarólympíuleikum frá og með leikunum í Salt Lake City árið 2002 og ef Japönum sýndist sem svo mættu þeir taka krulluna strax inn á leikana í Nagano árið 1998. Það varð einmitt raunin og krulla hefur frá Vetrarólympíuleikunum 1998 í Nagano verið meðal formlegra greina á Vetrarólympíuleikum. ÍSÍ er formlega aðili að Alþjóða krullusambandinu þar sem krulluíþróttin er ekki stunduð nógu víða á Íslandi til að hægt sé að halda úti Krullusambandi Íslands. Þó hefur verið starfrækt sérstök krullunefnd innan vébanda ÍSÍ frá árinu 1995. Gáfu Íslendingum krullusteina en aðstöðuleysi hamlar Vestur-Íslendingum var mikið í mun að kynna krulluna á Íslandi og árið 1999 fengu Akureyringar til dæmis nokkra krullusteina og áhöld að gjöf úr vesturheimi. Alls voru 32 steinar gefnir sem átti að skipta milli Akureyringa og Reykvíkinga. Þeir enduðu þó allir fyrir norðan þar sem áhuginn í Reykjavík reyndist lítill sem enginn enda ekkert yfirbyggt skautasvell á þeim tíma. Það var reyndar ekki heldur þá á Akureyri og krulluíþróttin var stunduð við frumstæðar aðstæður á Íslandi í upphafi. Aðstaða batnaði þó mikið þegar skautahallir komu á Akureyri og í Reykjavík. Í dag eru til krullusteinar bæði á Akureyri og í Egilshöll í Reykjavík. Hallgrímur Bóasson formaður Krullunefndar ÍSÍ segir þó að skortur á ístíma til æfinga hamli aukna útbreiðslu íþróttarinnar á Íslandi í dag. Virkir keppendur í krullu á Íslandi eru í dag um 50 talsins að því er Hallgrímur segir. Krulludeildin á Akureyri hefur þó fasta æfingatíma klukkan 19:00 á mánudögum. En þó aðstöðuleysi hamli frekari krulluiðkun á Íslandi átti Ísland allavega mikilvægan þátt í því að krulluíþróttin fékk inni á Ólympíuleikum sem formleg keppnisgrein í dagskrá leikanna.